SOMO # 01: ADUI

 BWANA YESU ASIFIWE MPENDWA

Mpendwa bila shaka u mzma wa afya kama hali sio nzuri basi Bwana atakuponya tu. Nakukaribisha katika somo hili
Somo linatoka katika kitabu cha ZABURI 143:9 kama ilivyoandikwa;- Ee Bwana uniponye na adui zangu nimekukimbilia wewe unifiche.

Mpendwa tumezungukwa na maadui wengi sana katika Maisha yetu, maadui hao tunaishi nayo na wengine hawaonekani kwa macho yetu.

Je utamjuaje adui yako???

Zifuatazo ni sifa 15 za aliye adui yako, ukiziona hizo jua tu huyo ni adui wako pasipo hata kuuliza.


1. Anayekuwazia mabaya ,huyo ni adui yako.
2. Anayekusengenya ,huyo ni adui yako.
3. Anayekuchukia bila sababu,huyo ni adui yako.
4. Anayekugombanisha na watu,huyo ni adui yako.
5. Anayekusema mabaya ,huyo ni adui yako.
6. Anayetaka usiolewe/ usiowe, huyo ni adui yako.
7. Anayetaka uanguke kiimani au huduma yako ife, huyo ni adui yako.
8. Anayetaka ufe siku yoyote, huyo ni adui yako.
9. Anayetaka upate ajali, huyo ni adui yako.
10. Anayetaka biashara yako ife au ufirisike, huyo ni adui yako.
11. Anayetaka ufukuzwe kazi, huyo ni adui yako.
12. Anayetaka ufeli mitihani yako au ufukuzwe shule/chuo ,huyo ni adui yako.
13. Anayetaka ushushwe cheo ofisini, huyo ni adui yako.
14. Anayekudharau muda wote, huyo ni adui yako.
15. Mchawi,Mwizi,Tapeli n.k, hao wote ni adui zako.

Aina za Maadui.


Mpendwa kuna aina tatu za maadui ambazo ni;-

1. Maadui wanao onekana.
Hawa ni aina ya adui ambao tunaishi nao katika ulimwengu huu huu tuliopo sisi
Mfano. Wezi, majambazi, matapeli, wabakaji,wasengenyaji, wafitinishaji n.k
2. Maadui wasio onekana.
Hawa ni aina ya maadui ambao huishi katika ulimwengu wa giza yaani hatuwezi kuwaona kwa macho yetu.
Mfano: Majini, Mizimu, Mapepo n.k
3. Maadui ambao nimchanganyiko.
Yaani adui hawa kwa jina lingine ni kinyonga hubadilika badilika kila wanapotaka kufanya uhalifu katika Maisha yetu.
Tunaishi nao lakini shughuli zao chafu huzifanya katika ulimwengu wa giza, na kwa mkitadha huo hatuwezi kuwaona kwa macho yetu wanapotekeleza uhalifu wao.
Mfano wa watu hawa haswa haswa ni Wachawi.
Mpendwa tumezungukwa na maadui kila kona ni Mungu tu ndiye anayeweza kutuepusha na hao maadui wote ambao wapo kinyume na vile tutakavyo sisi katika Maisha yetu, kama katika LUKA 1:74 ilivyoandikwa;- Ya kwamba atujalia sisi tuokoke mikononi mwa adui zetu na kumwabudu pasipo hofu.
Kwahiyo kutokana na huo msitari tunaona ni Mungu ndio anayeweza kutuepusha na hila za adui kwa kumuamini na kumuomba pasipo na mashaka yeyote.
Pia tambua kwamba adui anaweza kuwa Rafiki yako, ndugu yako, mfanyakazi mwenzako, mwanafunzi mwenzako, jirani yako, mfanya biashara mwenzako n.k , hata katika MATHAYO 10:36 imeandikwa;- Na adui za mtu ni wale wa nyumbani mwake.
Hivyo basi unayecheka naye au kutembea naye , huyohuyo ndio baadaye anakugeuka na kuwa adui yako. Kwahiyo mchague Mungu kwani Yeye hawezi badilika.
Maadui hawakwepeki wapo tu, lakini kinachotupasa kufanya ni kumcha Mungu tu kwa moyo thabiti , baada ya hapo kila adui atakachokua akitaka kukifanya katika Maisha yetu Mungu atatulinda na hakuna adui atakacho fanikiwa kwetu kabisa maana Mungu ndio atakuwa kinga yetu.
Ubarikiwe sana kwa kuusoma ujumbe huu.

Kwa Maswali au Maoni Tuwasiliane kwa no. 0753255132 

AMANI YA BWANA WETU YESU KRISTO IWE PAMOJA NAWE.
Eneo: Dodoma, Tanzania

Maoni

  1. Unknown23 Oktoba 2018, 15:31

    Ubarikiwe sana Mtumishi wa Mungu Msufu kwa ujumbe mzuri.
    Nipende kuongezea tu jambo moja la msingi kwamba kama wana wa Baba yetu aliye mbinguni imetupasa tukumbuke kuwapenda adui zetu siku zote na kuwaombea wote wanaotuudhi.

    JibuFuta
    Majibu
    1. MSUFU.COM23 Oktoba 2018, 22:11

      Maoni haya yameondolewa na mwandishi.

      Futa
  2. MSUFU.COM7 Januari 2021, 21:04

    Ubarikiwe sana mpendwa

    JibuFuta
  3. Unknown7 Februari 2022, 07:28

    Ubarikiwe sana mtumishi wa mungu aliye juu Sanaa kwa ujumbe mzuri na unaotia Moyo!!never give up!!Bwana Yesu aliye Munguu peke yupamoja nawe

    JibuFuta

Chapisha Maoni

Machapisho maarufu kutoka blogu hii

SOMO # 03: MAAJABU YA NAMBA SABA

 MAAJABU YA NAMBA SABA (7) Mungu ni wa ajabu Sana hakika hakuna mwanadamu awezaye kumchunguza maaana Yeye ndiye mwenye siri kubwa wa hii namba 7 katika ulimwengu wa ki-Roho. Mpendwa tunapoenda kuumalizia huu mwaka 2018 na kuukaribisha mwaka 2019 naomba tuone haya maajabu makubwa ya namba 7 ambayo Mungu ndio anaijua Siri yake. Na haya maajabu ya namba Saba ninayoenda kuyaandika si kwamba ni yote ila ni kwa uwezo wa kufikiri kwangu na kusoma Biblia vile vile pamoja na Roho Mtakatifu kunipa mzigo wa kuandika somo hili maana nimeanza kuliandaa kwa muda mrefu kidogo. Mpendwa nakujulisha kuwa hili somo ni refu hivyo basi Mungu akusaidie usome kwa umakini pasipo kuishia njiani ili uweze kumaliza. _Mambo hayo ni Kama yafuatayo;-_ 1. Mungu ana Roho 7. UFUNUO 4:5 imeandikwa;- Na katika kile kiti cha enzi kunatoka umeme na sauti ya ngurumo na taa Saba za Moto zikiwaka  mbele ya kile kiti cha enzi ndizo Roho Saba za Mungu. 2. Kitabu kilicho Mbinguni kina Mihuri 7. UF...
Endelea kusoma

SOMO # 07: MAOMBI

MAOMBI Utangulizi: Maombi ni mawasiliano kati ya Muombaji na Mungu , Maombi kwa sisi wacha Mungu hayaepukiki maana tukikaa kimya na kusema unampenda Mungu bila Maombi na kusoma Neno ni rahisi Sana kurudi nyuma kiimani maana adui atatushambulia kirahisi mnooo. Na majaribu yatatushambulia mengi mnooo katika maisha yetu na tutashindwa kuyaepuka kwa sababu hatudumu katika maombi. Baadhi ya watu wengi wamekuwa na mzigo yaani shauku ya maombi pale wanapopata shida Mfano mtu anamuomba Mungu ampe kazi yaani apate ajira, aolewe yaani apate mume, aowe yaani apate mke, apate biashara ya kufanya,apate gari,apate fedha,apate safari labda ya kwenda nje ya nchi au anaumwa ugojwa fulani n.k ndio utamwona yapo bize na Mungu na kanisani haachi kuhudhuria kila Jumapili na hata kwenye zile ibada za katikati ya wiki hakosi Lakini akisha kipata kile anachokihitaji kutoka kwa Mungu kupitia yale Maombi aliyokuwa akiyaomba kila siku, utamwona Maombi amepunguza kabisaaa na hat...
Endelea kusoma